career منصة مصرية مجانية بتجمعلك فرص الوظائف والتدريبات والكورسات والمنح في مكان واحد، بتفاصيل واضحة ورابط التقديم الرسمي، عشان توفّر وقتك وتقدّم صح من أول مرة.
إحنا مين؟
career بدأت سنة 2019 بهدف بسيط: إن أي طالب أو خريج في مصر يلاقي الفرص الحقيقية من غير ما يلف على عشرات الصفحات والجروبات. المنصة بيديرها ويكتب محتواها أحمد محمد، مهندس مدني وصانع محتوى يتابعه أكتر من 1.5 مليون على السوشيال ميديا، ومن ساعتها نشرنا أكتر من 1,600 فرصة في البنوك والشركات والجهات الحكومية والمنظمات الدولية.
بننشر إيه؟
- وظائف: بنوك، وشركات عالمية ومحلية، وجهات حكومية، لحديثي التخرج وأصحاب الخبرة.
- تدريبات: التدريب الصيفي والشتوي وبرامج الخريجين.
- كورسات ومنح: كورسات مجانية بشهادات، ومنح ومبادرات للطلاب والشباب.
في كل فرصة بنكتب الشروط والمكان وآخر موعد للتقديم والتخصصات المطلوبة، وفي الآخر رابط التقديم الرسمي.
إزاي بنختار الفرص ونتأكد منها؟
- بننقل الفرص من مصادرها الرسمية: موقع الشركة، أو صفحتها الرسمية على LinkedIn، أو البوابة الحكومية المعلنة.
- رابط التقديم في كل مقال بيودّي على الجهة نفسها، مش على وسيط.
- بنكتب آخر موعد للتقديم، ولما يعدّي بيظهر على الفرصة إن التقديم انتهى.
- بنحدّث الفرص اللي بتتكرر كل سنة، زي برامج البنوك والتدريب الصيفي، بدل ما نسيب معلومات قديمة.
تنبيه مهم
career مش جهة توظيف، ومش بتمثّل أي شركة أو جهة بننشر فرصها. التقديم على أي فرصة مجاني، وبيكون من رابط الجهة الرسمي بس. لو حد طلب منك فلوس عشان يعيّنك أو يضمنلك القبول، يبقى نصاب. ولو لقيت إعلان شكيت فيه على المنصة، بلّغنا من هنا وهنراجعه.
أدوات مجانية
عملنا أداة لعمل CV بالإنجليزي مجانًا، بنفس الشكل اللي الشركات الكبيرة بتطلبه، وتنزّله PDF في دقايق من غير تسجيل.
تابع الفرص أول بأول
بننشر فرص جديدة كل يوم تقريبًا. تابعنا عشان توصلك الفرصة أول ما تنزل:
تواصل معانا
لو عندك سؤال أو اقتراح، أو شركة وعايز تنشر فرصة عندنا، تواصل معانا من هنا.